لما شوفت الكوميك ده افتكرت ما قبل يوم 11-11-2022 و انا راجع من الشغل في يوم و معدي على كمين لقيته موقفني مخالفة سرعة زائدة. السرعة في الطريق 90 و انا كنت ماشي 100.
لما نزلت و سالت عن السبب قالي سرعة زيادة و لما سألت الضابط عن "مين اللي قال او فين اليافطة اللي بتقول ان السرعة 90" قالي بالنص "ده مش عذر" فعرفت ان مفيش طائل من الكلام فسكت
بعد ما دفعت قيمة المخالفة لقيت واحد جنبه بيقولي هات البطاقة. مين حضرتك؟ قالي مباحث
طلعتله البطاقة و دخلنا في مبنى الكمين الثابت و دخل رقم البطاقة على جهاز تحت خانة "رقم بطاقة المتهم" ايوه و الله المتهم
المهم طلعت و الحمد لله "نضيف" على حد قوله و اخدت بعضي و مشيت
و من هذا الموقف نطلع بحكمة اليوم
الشرطة في خدمة المتهم
تعليقات
إرسال تعليق